التصنيف: قصائد عاميّة

يمكن عا سطح شي نجمة، نسيت كلمة من كلماتي
يمكن عا مخدتي القديمة، نسيت فكرة من أفكاري

بس انا ما نسيت
ولا كلمة من كلماتك
ولا نظرة من نظراتك
ولا ضحكة من ضحكاتك

يمكن عا غصن شي شجرة، نسيت غمرة من غمراتي
يمكن شي مرة بشي سهرة، نسيت غمزة من غمزاتي

يمكن انتي مش موجودة
يمكن انا تخطيت حدودي
يمكن انتي فكرة حلوة
ناطر من قلبي
تصيري موجودة

يمكن بكرا ارجع انسى
فتش عا شي قصة جديدة

يا فرحة أمك فيكي
ال تعبت تا تربيكي
وتعتل همك عطول
ولما تنامي تغطيكي

يا فرحة بيك فيكي
ال كبرت حياته فيكي
كل ما حكيتي شي كلمة
بينكر علاقته فيكي

بريئة كنتي وهنية
كبرتي وصرتي مؤذية
ما بعرف كيف تربيتي
وعملتي هالشخصية

كلماتك كلها قوية
وسلامك ما فيه حنية
حتى لو كنتي ساكتة
منك بتغار الحية

يا فرحة اهلك فيكي
ال ما لقيوا عقلك فيكي
عنجد انتي مهمة
ويا فرحتي انا فيكي