من اول ما شفتك صار عندي إدمان
هرب نومي وقضيت شهوري سهران
يا حيف عالدني ما نفعت مراسيلي
لا انت رحمتي ولا هديتيني الحنان
شافوني معذب قالوا صارلو زمان
هالعاشق ما ارتاح من كتر الحرمان
زيارة طبيب كبيرهم بالفهم نصحني
وترك بإيدي ورقة مكتوب فيها عنوان
لا طبيب نفع ولا كل وصفات الإنسان
واليأس بقلبي زرع بذرة تربى بأمان
رحلة طويلة جديدهم بالعمر شرحلي
بتخلص بقمة جبل أبعد من كل الوديان
جبيني بعزم رفعت وبقوة وعنفوان
ورسمك بقلبي الي دليل وترجمان
ووصيت دموعي حولك تبقى بدالي
خادم امين يحرس بغيابي المكان
بتعب مضني وصلت آخر هالجنان
وبين وراق الزنبق وزهور الرمان
زهرة غريبة رسمت نهاية ببالي
ما بيشفيني الا ابقى الك عشقان
وائل يكتب 
it’s so sweet.
❤
even thought it's sad, it got a happy rhythm… 😛
إعجابإعجاب
Thank you, and I thought this one would be happy! Yalla, sweet is better than nothing :p
إعجابإعجاب